الثلاثاء، يناير 24، 2006

يا ترى هل تقبلونني

يا ترى كيف ينظر الاخرون لإمراة مثليه؟ و ما ذا يدور في مخهم عنها ؟نساء و رجال بجد بجد نفسي أعرف الناس شايفاني إزاي و هل ممكن يتقبلوا و لا إيه .
يجب ان يعرف الأخرون ان كلنا كلنا بنا ما ندريه عن اعين الأخرون و لا نريد ان يعرفه احد و بالرغم من اني ساعات بكون نفسي أصرخ و أقول انا بحب مين لكن مش عايزه كل الناس تعرف تناقض هو مش كده لكن إحنا كلنا كده .انا هنا للحديث عن نفسي فانا أرى اني إنسان كويس أعني أني فعلا على مستوى كتير من الناس الحق يقال أني برقبتهم لست أفخم في نفسي لكن دي حقيقه بشهادة الكثيرون
نقطة اعرف انها تدور في عقل الكثيرون و هي أن إمراة مثليه هي بالدرجة الاولى عاهرة يعني تبحث عن الجنس أينما كانت و تبحث عن إقامات علاقات حب مع أي واحدة و كل واحدة و العملية عندها سيبة و هنا أنا بقول "وماله" كبيرة  أوي لأن  الموضوع ده ممكن تلاقيه عند أي راجل و أي ست بمعنى ممكن أي إنسان يكون عاهره (مع الإعتذار للعاهرات لانه عادي) فالموضوع ميفرقش الحكاية أني برتاح اكثر مع شخص معين و الشخص ده حدث انه إمرأة أظن مفهاش حاجه انا حره
يا ترى هل تتقبلون إمراة مثلية؟

هناك 35 تعليقًا:

غير معرف يقول...

معرفش اجابة عن سؤالك (عدا ملاحظات غير مهمة عن حضور المثليات الطاغي في الفانتازيا الجنسية).

لكن حبيت أنبهك لأن التابوهات الجنسية أخطر حاجة الواحد يتكلم فيها في بلدنا و عشان كده أنصحك تقرأي الدليل ده http://www.rsf.org/article.php3?id_article=15051

مجرد استخدام اسم مستعار مش كفاية لحمايتك.

غير معرف يقول...

احم!
زي ما علاء قال، تخيل الرجالة - أو ده تصوري من اللي في عقلي وبسمعه من الرجالة التانيين- للمثليات هوا مجموعة من الستات متعريات وأجسامهم مبللة بالماء أو العرق وبيمارسوا لعب جنسي مع بعض عشان "يسخنوا"... تمرينات يعني.. وبعدين ييجي سبع البرومبة - الراجل- ويديهم الحاجة اللي بجد...

الراجل المثلي بيبقى معاه نظرة اشمئزاز وخوف وقلق - يا عم ابعد ايدك عني- ، أما الرجالة فبيبصوا بصة فيها اشتهاء للمرأة المثلية على اعتبار انها خبيرة في الفور بلاي ومادامت مثلية فهتكون -عفوا- منحلة وتقبل بيه على طول.. ممكن يشعروا بالاهانة نوعا ما من الرفض.

مش عارف الستات التانيين بيبصوا للمرأة المثلية ازاي...

ghandy يقول...

يا ترى هل تتقبلوني؟؟

لا أعرف حقاً من المقصود بالسؤال: يعني، نتقبلك باعتبارك إمرأة عادية لها حياة وشخصية، بتحب وتسأل وتعيش، ولها خصوصية في حياتها الجنسية

ده شيء مختلف تماماً عن لو كان السؤال: تتقبلوني باعتباري مثلية

هل تفضلين أن تختفي المرأة وتظهر المثلية، أم - كما أفضل شخصياً - تظهر المرأة وتظل اختياراتها الجنسية مجرد جزء من شخصيتها لا يستحق أن يكون هو العنوان

في جميع الأحوال غالباً سنتقبلك عندما نعرفك أكثر وهذه هي قيمة التدوين

Ahmed Shokeir يقول...

لو كانت العلاقة المثلية تتوقف على الجنس لهان الأمر ، ولكن مايزيد الأمر تعقيدا وصعوبة هو تللك العلاقة العاطفية والشحنات الرومانسية العالية النادر تواجدها بين المحبين العاديين

فى العلاقات الجنسية المجردة فى الظلام تتساوى أشياء كثيرة ، ولكن المشاعر العاطفية تبقى هي المعضلة الأساسية

بالنسبة لإجابة السؤال .. أتفق مع ماقاله غاندي

4thH يقول...

اتقبلك و احيي شجاعتك.. المشكله الآن سلامتك كما قال علاء.. حاولي تنفذي تعليمات الهروب من الرقابه .. و اخفاءالاي بي.. احنا في بلد فاشي ولازم تاخدي احتياطاتك

..

Admin يقول...

خمسة في المية من اي شعب مثليين ...الكتاب الاشهر في امريكا كيف تمارس الحب مع رجلك كتبه راجل مثلي و كل الستات اشترته...اعتقد اننا بنفهم المرأة اكتر من خلال المرأة و اتمني ان تجربتك تضيفلنا

Darsh-Safsata يقول...


مرحبا بك في عالم التدوين، وكما قالت احدى المدونات من قبل هنا تجدين كل اشكال الطيف
العالم هنا ليس مختلفا كثيرا عن العالم الخارجي ستجدين من يقبلوكي ومن يلعنوكي
ولكن الميزة هنا انك تستطيعين الوصول الى اناس قادرين على التعامل مع البشر بصفتهم البشرية وليس اي شئ اخر
الفرق هنا ان الوصول اليهم يتم بشكل ابسط من العالم الخارجي نظرا لضعف نسبتهم مقارنة بالاخرين

ظهورك امر جميل لانه يكمل الوان الطيف الموجودة على المدونات، واعتقد انه من المهم ان تساعدينا في تكوين نظرة جديدة اكثر انسانية عن المثليين من مجرد النظرة الجنسية البحتة الشائعة عند الحديث عن المثليين

أحمد يقول...

بصراحة وبعد قراءة التدوينات التى كتبتيها كلها
عايز اقول انى مبسوط جدا باكتشاف المدونة دى لكن اتمنى ان تحاولى حماية سرية اسمك

emraamethlya يقول...

شكرا للردود و في ردود توقفت عندها كتير أنا زي ما قلت مدونتي فضول و جس نبض عايزة أعرف الناس بتفكر إزاي في إمراة مثليه
هي المدونات متراقبه للدرجه دي؟ أنا مش عرفه طيب أنا بعمل إيه غلط أنا بكتب بعبر عن اللي جوه هي دي تهمه شكرا على حرصكم علي .

Lasto-adri *Blue* يقول...

يمكن ردى ح يزعل ناس كتير.. بس مش ملاحظة ان كل اللى علقوا رجالة!

دا اللى لفت نظرى

Lasto-adri *Blue* يقول...

حاجة كمان.. انا الجزء دا اللى قاله غاندى
"
هل تفضلين أن تختفي المرأة وتظهر المثلية، أم - كما أفضل شخصياً - تظهر المرأة وتظل اختياراتها الجنسية مجرد جزء من شخصيتها لا يستحق أن يكون هو العنوان
"

غير معرف يقول...

"أنا مش عرفه طيب أنا بعمل إيه غلط أنا بكتب بعبر عن اللي جوه هي دي تهمه "

انت مش عايشة في البلد دي ولا ايه؟؟؟

Pianist يقول...

انا مع غاندي تماما فيما قال
انا عن نفسي علي استعداد لتقبل اي شخص بغض النظر عن ميوله الجنسية
انا بحب مثلا كفافي جدا مع انه كان مثلي واعتقد انه لو عايش كنت هاعمل اي حاجة عشان اقابله واتكلم معاه
وكتير من المثليين الفنانين زي تشايكوفسكي واوسكار وايلد وغيرهم
المهم انتي هاتقولي ايه مش المهم انتي بتفضلي الجنس بانهي طريقة
لو كان بلوجك لمجرد استعراض ثقافتك الجنسية ولاستعراض الكره للرجال ولاستعراض شغفك بالفتيات فانا لا اقبله وان كلامك موضوعي وصريح ومافيهوش اي هجوم عشوائي وخلاص اوكي تماما هاقبله جدا
الخلاصة
انتي هاتقولي ايه

emraamethlya يقول...

لست أدري ملاحظتك لفتت نظري بس مرضتش أعلق و مقدرش أحدد ليه كل اللي علقوا هنا كانوا رجاله بس يمكن عشان بجحين :) ====أنا بهزر====محدش يزعل

emraamethlya يقول...

يا بيانيست أنا حقول اللي أنا عايزة اقوله مش اللي أنتم عايزني أقوله مش بلوجي ده ولا إيه

emraamethlya يقول...

يا محمد لو كل الرجال قي دماغهم الحكاية دي عن المثليات يبقى تسمحي أقول انهم فهمين غلط لكن اللي بتقول عليه ده ممكن يكون في خيال نساء أخريات لسنا مثليات على الإطلاق لأنه لا مكان لرجل في علاقة مثليه

Kahramana يقول...

"Do you accept me?"

I do and I respect your courage and honesty.
Having lived abroad and getting to meet gays and lesbians, I managed to get rid of the homophobia, that was planted in our heads.

An Egyptian woman

غير معرف يقول...

بكل صراحة:لا
ولكل الحلوين المتفتحيت اللي قالوا اه-تعمل اية لو اكتشفت ان اختك مثلية؟

M. El-Hajj يقول...

الحقيقة إن الموضوع مربك جداً و بيحط بعض القيم الشخصية علي المحك يعني مثلاً لو إنتا شاب متفتح و نجم كدا هل تقبل أن حد من عيلتك يكون مثلي ؟؟ والدك أو والدتك بعد كل العمر ده أكتشفوا ميل لناس من نفس جنسهم، إذاً الموضوع نظري جداً الوافع أني منكرش أني بكره التعامل مع المثليين عموماً و إن كانت دي حاجة مش صح و كل بني آدم حر في الآخر بس و النبي متجيش تقولي ربنا عالم و تحاول تحلل اللي إنتا بتعملوا لأن السحاقيات ملعونات ب نص الحديث الشريف بانسبة لكلة شاذة اللي مش عجباكي فهي دلالة علي تعدي الطبيعي ربنا سبحانه و تعالي خلق ستات و رجالة كل واحد فيهم ليه خصائص معينة لممارسة العملية هل من الطبيعي إن إحنا نستغني عن الراجل بست في العملية الجنسية الطبيعي هو شيئ يمكن تعميمه هل يمكن تعميم الشذوذ الجنسي ؟؟ طب البشرية تستمر إزاي لا أعرف مفهوم الحاضرين للطبيعي لكن الشذوذ الجنسي من وجهة نظري المتواضعة غير طبيعي

غير معرف يقول...

بتحبي الستات بتحبي الجن الازرق انتي حرة لكن متعمليش نفسك شهيدة وتقولي ربنا عارف وكلام الضحك عالدقون دة

غير معرف يقول...

ولماذا تشغلين نفسك بقبول الاخرين من عدمه .. من الاخر كده هذا المجتمع لايقبل اى شئ .. لذلك يتطور ببطئ فظيع هذا اخر مجتمع على وجه الارض يقبل اختلاف الاخرين ولكنه على استعداد ان يفعل كل شئ فى السر ..؟

غير معرف يقول...

انا بنت مثليه ارجوالموقع مراسلتي


ama575@hotmail.com

نــــــــدي يقول...

اكيد نقبلك
حياتك الجنسيه خاصه بيكي انتي

غير معرف يقول...

مفيش مشكلة
المهم متبقاش الفكرة دي محور حياتك و تقضي عمرك تشوفي رد فعل الناس عليكي و تشوفي نفسك في عيون الناس
انتي مثلية وماله
المهم ما بعد المثلية
و ماتحاوليش تصطدمي عيشي حياتك و تجنبي المشاكل و ركزي علي اهدافك الاخري

غير معرف يقول...

سؤال خطر علي بالي أرجو أن تهتمي بالإجابة عليه ؟؟

من كلامك فهمت إن المثلية مرتبطة عندك بحب صاحبتك و غنها ليست مجرد نزوة جنسية ...

و السؤال ... إفرضي إن العلاقة دي إنتهت لأي سبب كأي علاقة إنسانية أخري ح يبقي إزاي الحال ... يعني ح ترجعي إلي عالم الرجال أم ستبحثي عن عاشقة اخري؟؟

غير معرف يقول...

mosh masaley ragel w set.. di masalet akhlaq.. ana sett aho bass banzorlik ala innik insana mosh kwayyesa w maysharrafneesh aaraf wa7da zai keda wala adakhalha beeti wala 7atta akon ma3aha f makan wa7id

غير معرف يقول...

ama575@hotmail.com
koss ommik

Mody Rap يقول...

انا ممكن اتقبلك و انتي قاعده علي زبري ... ولا بلاش عشان مش بتحبي الرجاله
ممكن ابقي اجبلك كس صناعي تلحسي فيه شويه ..

كسمك مرة وسخه

غير معرف يقول...

المهم أنك تبقي متصالحه مع نفسك
وحطي ف دماغك أن الناس هنا أغلبهم سزج أو يا عيني عبط وده بسبب الجهل و التخلف لو لابسه مثلا لبس معين يناسب شخصيتك وأسلوبك يبرقوا و يفتحوا بقهم زي الهبل علي فكره مش مهم الناس تقبلك.....peace ba2a live with people who could understand u and dont give other much value

غير معرف يقول...

انا هقول راى يكل صراحه وبكل وضوح ومش هتكلم فى دين ولا اى حاجه تانى
انا مش ضد المثليات بالعكس
انا بساندهم لسبب
فيهم كتير مرضى نفسيين
وفيهم كتير معقدين
انا اتقبلك فى عالم كله جهل وتخلف وبعد عن الدين
وعلى فكرة انتى عندى احسن من الزانى والزانيه
والناس كلها مش شيوخ ولا كلها ملائكه
احنا عارفيين ان 99% من الشباب فى حاله فسق
وبعد عن الدين
يبقى كل واحد ينصح نفسه قبل ماينصح الغير
والكلام للى قال كلام خارج وسافل وماكنش ليه حق انه يقوله
سلامى

engwoody يقول...

لا أعلم كيف ابدأ كلماتي بدون أن أجرحك ولكن أريد أن أبدأ بسؤال ... هل ترين ما تفعلينه شئ عادي؟! ربما و لكن إذا كنت ترين انه شئ عادي و طبيعي لن تسألي كيف يتقبلك المجتمع ، اعلمي أن مخالفة نواميس الكون و القوانين الإلهية لا تعود على فاعلها سوي بالكوارث سواء الآن أو فيما بعد ، أنصحك بمحاولة العلاج لأنه جرت العادة أن نتقبل الشيء الطبيعي و لكن كل ما هو غير طبيعي ربما يكون افضل و بداية للتقدم أو خطأ و بداية فشل و في معظم الأحيان الاحتمال الثاني لا أطيل عليك أن ما تفعليه هو من الكبائر و أنصحك بالتوبة و العلاج

غير معرف يقول...

لو تمعنتي في مقولة المعقول وال لا معقول لاارحتي نفسك كثيرا فما هوا معقول لدي غير معقول بالنسبة لك وبالعكس لقد كان لي حوار مع اخت مثليةبالقطع ليست مصرية وحبيت افهم منها ليه وازاي كان ردها اني بشوف الدنيا من منظار محدود وبعيش وفقا لقوانيي الخاصة انما الدنيا اعمق واكثر من هزا بكثير ولا تقف علي حد معلوماتي فقط لاني لست صاحب الحق الوحيد في هزهي الدنيا وكان ردي عليها كلاتي انها مثل انسان يبحث عن غزاء ولم تجد فلجئت الي سلة الزبلة تبحث عن غزائها وهنا شعرت بالاهانة وانتهي حديثنا دون ان اعرف ايا منا علي حق

غير معرف يقول...

انت فارق معاكى ان احنا نقبلك اولا لية مانتى شايفة انك حرة وانتى حرة فعلا بس لو تسمعى نصيحتى روحى شوفى دكتور نفسانى واقعدى معاة وحاولى ترجعى انسانة فطرية وانسى العبط دة ماهو ياما عندك مشكلة هرمونية يا قلة ثقة بالنفس يا اما تقليد اعمى لغرب اهبل فى الاخر مش مضطريين نقبلك ولا انت محتاجة ان احنا نقبلك وياريت اى كان دينك دا اذا ماقولتلناش انا معنديش دين ومشعارفة حتقبلونى ازاى ..ياريت اى كان دينك ارجعى لربنا وبلاش عباطة وفى الاخر حاولى تتعالجى عضويا او نفسيا وربنا يهدينا جميعا

غير معرف يقول...
أزال المؤلف هذا التعليق.
غير معرف يقول...

we accept you as we accept everyone else.
you are a human being even if you are different, so? who cares? that's your life and not ours, you are free to do whatever you think is good for you