مستنياكي

في ناس من كتر ما بيحبوك بيصعبوا عليك و ناس من كتر ما بتحبهم بيصعب عليك نفسك مش قادرة أصدها و مش اقدر امنعها و امنع نفسي
الإختبار الللي بجد لما حبيبتك تكون بعيدة عنك و تصبري عشان إنتي مش عايزة غيرها و عارفة أن هي مش عايزة غيرك
بس ساعات اصبر لوحده مش بيكون كفاية و ساعات إحنا بنضعف
لو ضعفنا نعمل إيه؟
لو ضعفنا لازم نعترف بضعفنا و لو غلطنا لازم نعترف و نواجه غلطنا شيء مؤلم أن الطرف التاني يكتشف إنك بتخدعيها أو كدبتي عليها
الأحسن إن يوكن في صراحة بينكم في كل حاجة حتى لما تغلطوا و لو فلعا في حب حنفهم و نعذر و نسامح
بحبك اوي وحشتيني و مستنياكي ترجع لي عارفة انه قريب

نموذج مصري لفيلم عن المثليين

شاهدت فيلم عجميستا في السينما و عندي تعليق ان هذا الفيلم لا ينقصة إلا مشهد حب واحد أو قبلة ساخنة بين البطلين ليؤكد أنه فيلم للمثليين كما هو واضح زي الشمس من أحداث الفيلم و تطور العلاقة بين "عز" و "هيبة أو "شجلوف البطلين الاوحدين في الفيلم يمكن يعترض البعض يمكن لن يعجبهم كلامي و ممكن يستنكروا بس فعلا الفيلم ده يصنف كعمل عن المثليين و الفيلم يحكي علاقة حب بين رجلين واحد فيهم باشا و ابن ناس و التاني جربوع و مش لاقي ياكل العلاقة فعلا علاقة حب و لا أبالغ و شاهدوا بأنفسكم علاقة بتتطور حتى أن كل واحد كاديضحي بحياته من اجل الاخر

العلاقة بين البطلين جميلة و إنسانية و بجد مكنش فيه لازمة لظهور الممثلتين مي عز الدين و دنيا خلال الفيلم

فكل واحدة دورها لم يتعدى الخمس دقائق و كان دور صغير جدا و ملوش لازمة و دخيل بوضوح على احداث الفيلم

قد يشمئز البعض من وجود مثل تلك العلاقة بين شابين و أنا لست خبيرة في المثلية الذكورية بس تلك العلاقات واقعية جدا و بتحصل و لازم نعترف و الفيلم فعلا النموذج المصري لفيلم عن المثليين

كنت خايفة

منذ فترة لم أكتب كنت خايفة طيب أعمل إيه لازم أعترف إني خايفة أنا مقتنعة بإختياري و باللي بعمله لكن خايفة عشان أنا في مجتمع مش حيقبلني كإمرأة مثلية لما بفكر في الأسباب ليه المجتمع مش حيقبلني بل و كمان حيعاقبني ممكن يكون السبب ديني يعني الناس متعارف بينهم أن المثلية حرام و فاحشة و طبعا لازم المثليات يكون لهم عقاب و العقاب ده بيحددوا المجتمع

الناس اللي ممكن يكونواحد فيهم سمع ان المثلين لازم نقتلهم مع أن مفيش حاجة في القرإن بتقول كده زي برضة لما الناس بتسمع ان الزنا عقابة الرجم مع أن القران قال حاجة تانية خالص في سورة النور لكن إحنا عايشين على الدين السماعي و مالناش دعوة نقرا ليه؟ و لو قرأنا نفهم ليه؟ ليه وجع الدماغ؟

المهم انا شخصيا اشك ان الموضوع يكون له علاقة بالين أصلا يعني عدم تقبل الجتمع لفكرة وجو إمرأة مثلية سببة عنصري سببه أن مجتمع ذكوري لن يسمح لإمراة ان تستغنى عن الفحولة دي كلها و الرجولة المرطرطة و مغرقة مصر (عفوا بس أنا بتريق و بسخر هنا) إزاي تترك إمراة كل هذا و تدور على إمراة اخرى او تحب إمراة أخرى

يعني السبب عنصرية و غيرة

ديما لما راجل بيعرف عن إمراة انها مثلية بيحاول بشتى الطرق أنه يتعرف عليها و بيكون متصور بمنظورة الساذج اها لما تعرفة حتغير رايها على حد تعبيره و طبعا هو مش فاهم ان الموضوع ده ملوش دعوة بالرأي و ان الحكاية مش أن هي لو جربت معاه حتقول اه أنا عايزة من ده

و التفكير الضعيف ده أنا و غيري من النساء المثليات لم و لا نريد ان يغيرنا حد مش منطقي أبدأ ان حد يفرض رايه علىأخر و يفرض نفسه ...أعذروني فيما سأقوله بس بجد ده إحساسي أنا اكاد اتقيأ عندما يقترب مني رجل محاولا ...ينتابني قرف شديد إذا حاول احدهم ان يغازلني ...ساعات بكون نفسي أقولهم بس عارفة و متاكده اني حتى لو قلتلهم مش حيفهموا و حيلزقوا اكثر و تفكيرهم المريض او الساذج ممكن يصور لهم حجات تانية

زي مثلا ان المرأة المثلية عاهرة ....أنا قلت الكلمة بالفصحى لكن الكلمة التانية اللي حتون في دمغمهم حاجة تانية مش حكتبها هنا ....

حبيبتي برضة بيضيقوها كتير اوي و يلزقولها و بيكون إحساس وحش اوي لما الواحدة مش بتعرف تخلص من الناس اللازقة دي .. حاجة مستفزة اوي لي و لكل إمرأة حتى مش مثلية لما تلاقي اللي حوليها كده بيستبيحوها في الكلام و المعاملة و بيفرضوا نفسهم بغباء ...كلمها احدهم على التليفون و مباشرة طلب منها أن تنام معاه ..فؤجئت فهو لم يعرفها إلا منذ أيام و بعدين كونها تحدثت معاه على طبيعتها لا يعطيه الحق في ان يطلب منها كده

إتصدمت من كلامه و محستش بنفسها هي بتقول إيه لكن سمعته كلام كان مفروض بعده يرمي نفسه في النيل و هي بتحكي لي كانت مش فاهمة المجتمع ده نتركيبته إزاي و إيه كم النفاق و الأقنعة اللي في المجتمع ده حاجة زباله بصراحة معاها حق ديحاجة زباله ...متهيألي لو لم اكن مثليه لأصبحت مثلية

ست حلوة

أكتر حاجة ممكن تشدني في أمراة هي دماغها .... المرأة التي تفكر كثيرا و تتأمل

و عيونها بتتكلم لوحدها نقدر نشوف فيهم أحلام و أفكار كأننا بنشوف فيلم ....و هي بتتكلم و بتطلع كله مش بتخاف من القيود و كل ما بتككلم أكتر و تفكر و تطلع كل اللي جواها و ما بتخافش من قيود التقاليد أو حكم الاخرين بتكون صادقة و الصدق بيوصل بسرعة و ممكن نحسة ....الست اللي في الصورة كده ..... بتفكر بعمق و بتتأمل أوي و دي مخرجة مثلية امريكية

أكيد في مصر و في كل حته في زيها يمكن هي فرصتها احسن لأنها في بلد حر و بيحترم حرية الأخرين بغض النظر بقى عن ان الأدارة الأمريكية و لريس بتاعهم بيحب الدم و الحرب

الست دي حلوة من جوة اوي

i was tagge:)

ايه اللي حيحصل لايميلك لما تموت؟
حيموت هو كمان معايا

. اديت الباسوورد لحد قبل كده؟
لا خالص
. اسمك؟
اسمي..... مكتوب على كل الورق مش انا اللي أخترته
. اسم الدلع المشهور في وسط اصحابك؟
ها او كان غيرك أشطر
. عمرك؟

28
. برجك؟
الحصان انا بحب الحصنة أوي
. مجالك او مجال دراستك ؟
فنانة ممكن .
شخصيتك نوعها اية ؟
.من النوع اللي بيعمر
بسامح بسرعة اوي طيبة بس مش بسيب حقي
السفر بالنسبة لك؟
حرية حرية حرية
. المود بتاعك؟
لا مش متظبط الايام دي
. وقت فراغك بتعمل فيه اية؟

بقرأ و أتخيل حاجة عشان اخلقها او أسيبها جويا
. .الاكلة المفضلة؟
مش عارفة ممكن أي حاجة
. الصفات اللي خدتها من بابا؟
لون البشرة و لون العيون
.
الصفات اللي خدتها من ماما؟
الطيبة و الجدعنة و الذوق و ابتسامتها
.
اكتر 6 حاجات بتكرهها؟
. الأهانة
الكره
الضرب
الأستعباد
التعصب
السيطرة




. اكتر 6 حاجات بتحبها؟
حبيبتي
أمي
اختي
الحرية
العدل
السلام


.
الشغل بالنسبة لك؟
شوية حرية
. الكومبيوتر والانترنت بالنسبة لك؟

حرية برضه و تواصل

كدبه كبيره

لما أول مرة ج و قالي بحبك ضحكت و مكنتش عايزاه يكمل و مكنتش عرفه أعمل إيه بعدها سكت و سبت نفسي للظروف مقدرتش أقف و أقول لا مينفعش . قال لكل الناس أنه بيحبني و انا كنت برضة سكته مش بكلم أو مش قدرة أتكلم و مع كل كلمة حب كان بيقولها لي كنت بنتفض من جوه إحساس بالخوف و الضياع و الرفض و ألم ,أحساس بالذنب كان فاكر ان السكوت علامة الرضا , و انا أستسلمت تماما للموضع بسكوتي و كل الناس كانت قكرة ان قصة حب قويه موجوده بينا .
كان بيسألني بتحبيني زي ما بحبك؟ السكوت كان ديما ردي و هو كان بيطير من الفرح فاكر أن سكوتي أيجاب ......ما هو كمان أنا كان مستحيل أقوله أقوله إيه ؟ ولا كان ممكن أقوله بس أنا مش عايزة..... بس أصراره كان اقوى مني...... و لا يمكن كنت عايزة أثبت لنفسي أن أنجذابي للبنات وهم ؟ بس انا كنت متأكده أني عايزة أكون مع واحده و كنت بحبها الناس كانت مش شايفة حبي ليها أو كان بالنسبة لهم صداقة او عادي و محدش كان مصدق غير الخدعة و الوهم الكبير قصة الحب اللي بينه هو و بيني ... كنت بمثل حلو؟؟ لا أنا مكنتش بمثل أنا مكنتش بعمل حاجة أنا مكنتش عرفة أعمل حاجة .... سا عات كنت ببكي طول الليل .... لما حاول يمسك أيدي مرة نفرت بشده و بعدت أيده بعنف و لما سالت نفسي ليه أنا عملت كده مكنتش عارفة أرد عشان كده عيب؟ و لا عشان كده حرام؟ و لا عشان أنا مش بحبه ؟ و لا عشان أنا مثلية ؟
يعني لو كانت هي اللي أنا بحبها حاولت تلمسني كنت حعمل كده؟ كنت حرفض؟
مزعلش مني لما زقيت أيده بالعكس جواب لنفسه على السؤال اللي أنا نفسي معرفتش أجابته و قال لنفسة اني رفضت عشان ده حرام
لم اتمادي في أستسلامي و قبل فوات الأوان حاربت بكل أسلحتي و قبل ما الفاس تقغ في الراس كنت أتخلصت من صمتى و خرجت من المصيبة دي بس مخرجتش سليمة ميه في الميه عارفة و شفت ستات كتير سابوا نفسهم لحد ما بفي الموضوع لا يمكن الرجوع فيه و اتحولت حياتهم لجحيم هما بس اللي عايشونه و هما بس اللي بعانوه و تمثليه كبيرة كل يوم احداثها بتسوء و بتطور و بيزيد أبطالها

our truth

حب كان

حبيتها اول ما شفتها مش عارفة كان فيه احساس جميل اوي الحب التيك أواي ده إحنا بنسميه حب و بتكون اعراضة جامده اوي لكن قي الحقيقة مش هو ده الحب ,هي شدتني أوي من اول لحظة و المصيبة انه بان علية على طول مكنتش عارفة أخبي لزقتلها و كانت عيوني على طول عليها كنت بكلمها ميت مرة في اليوم و بسأل عليها كل شوية و مرة جبتلها ورده حمرا و وقفت أستناها بعد المحاضرة على السلم إدتها الوردة و هي فرحت أوي بس مكنتش عرفة هي فهمة ولا لاء كنت بحكلها كل حاجة و بحكلها عن الواد اللي كان هو كمان لازقلي و عايز يطلب إيدي للجواز و كنت باخد رايها اعمل معاه إيه و هي كانت بتقولي أنه واد كويس و حلو و ينفع اوي

طبعا انا كانت دماغي مش في حد غيرها و هي كمان كانت بتحكي لي على الولاد اللي بيحبوها كنا بنقعد مع بعض كتير اوي و نتكلم و نضحك و نعيط ساعات و بعد شوية هي حسيت انى مش معتبرها بس صحبتي و قي يوم قلتلها أني بحبها قالت لي أنها عارفة و انها حسيت من أول يوم بكده .

كانت رقيقة أوي و حنينة قي كلامها معايا قالت لي أنها معندهاش مانع ابدا اني اكون مثلية يعني لازم نفضل صحاب و هي بتحبني زي ما انا كده و ان حبي ليها بالشكل ده حاجة جميلة هي بتقدرها و بتشكرني عليها و من غير ما تكمل انا قلت لها اني عارفة ان حبي ده من طرق واحد لانها بتحب حد تاني قالت لي أه بحب حد تاني و طلع راجل لكن كان ممكن يكون انتي صدمتني بكلمها ده بس صدمة كويسة و من ساعتها أحنا صحاب لسه و حبها عمري مانسيته و مش حنساه و هي الوحيدة اللي قبلتنب زي ما انا و قبلت حبي ليها

كلام بينا

قلت لها أنا نفسى فى عيل هو ما ينفعش نعمل الحكابة دي سوا من غير تدخل ذكوري في الموضوع انا عايزة ابني او بنتي يكون من حد انا بجبه يكون من حبيبتي قالت لي مينفعش زي ما راجلين ما بنفعش يعملوا الحكاية دي و يجيبوا عيل من غير تدخل نثوي في الموضوع , قلتلها بس الست وجودها اقوى و أهم عشان العملية دي لان هي اللي بتشيل العيل تسع شهور و الراجل كل دورة في الموضوه ليلة واحده ليلة إية قولي ساعة أو ربع ساعة أو حيوان منوي واحد يقضي الغرض برة بيبعتوا يجيبوا الحيوانات المنوية دليفري بال دي اش ال و يحملوا و يخلفوا
ردت :و انتي يرضيكي تجيبي عيل بالبريد السريع الدي اتش ال ؟ يرضيكي ابنك ولا بنتك يجي بالطريقة دي و يتولد ميعرفش مين ابوة الحكاية مش عيل و خلاص العملية مش بالرخص دة مش حيوان منوي و بويضة دي روحين بيتفقوا و يجتمعوا عشان يوجدوا روح جديدة بأذن من ربنا روح تجمعهم و تربطهم , قلت لها شوفتي بقي انا مشكلتي اني عايزة بنتي او ابني منك انتي عشان انتي اللي بحبك
ردت علية انتي مجنونة والله با بنتي ما ينفعش انا أزاي يعني ؟
قلت لها لا ممكن انا قريت انهم ممكن يأخدوا خلية من واحدة و يزرعوها في رحم الأخري و سبق و عملوا الحكاية دي مع اتنين مثليات
...قالت يا بنتي إحنا في مصر يعني ما يتفعش نعمل ولا حاجة من دي حتي لو حصلت برة و بعدين أنا شايفة اننا مش لازم ناخد كل حاجة من الدنيا يعني لو مش حينفع نجيب عيال مش مهم ربنا مش قاسم و ناس كثير اتحرموا من النعمة دي ,,,,,,رديت لكن أنا عايزة عيل و مش حييأس و حنلاقي حل تعالي بقى انا عايزاكي في كلمة سر جوه

رادار المثليين

بحبك يا ربنا أوي كنت عارفة و متأكده انك عدل انها إنهارده إكتشفت تفسير لأيه في القرأن كانت تعباني أوي و كنت متأكده جوايه أن ربنا مش ممكن يكون عايز كده الايه من سورة النساء "واللاتي تخافون نشوزهن فعظوهن واهجروهن في المضاجع واضربوهن فان اطعنكم فلا تبغوا عليهن سبيلا ان الله كان عليا كبيرا" بحثت في المعاجم العربيه
المحيط - محيط المحيط - الوسيط - القاموس المحيط - لسان العرب
كلمة ‘ضربوهن تعني أبتعدوا عنهن ففي المحيط ضرب أي أبتعد
كما في الايه
وَآخَرُونَ يَضْرِبُونَ فِي الأَرْضِ يَبْتَغُونَ مِنْ فَضْلِ اللهِ
أي أبتعدوا سعيا و راء الرزق و المعني كده بيأكد المعني اللي سبقه و هو الهجر و في كل المعاجم الاخري وجدت معني الضرب هو البعد و بكده يكون الكلام واضح و سليم و منطقي ديما كنت بقول ان ربنا مش ممكن يكون خلقنا و قصده يسيء إلينا في القران مينفعش
حبيت اتكلم عن الحاسة السادسه لدي المثليات و المثليين يعني هي مش حاسة سادسه اوي بس بيسموها بالأنجليزي "جاي دار" و هي من كلمة رادار يعني المثليا و المثليين ممكن يعرفوا ان كان الشخص اللي قدامهم مثليه أو مثلي في حاجات كثير ممكن تقول و في ناس صعب نستنج ده عنهم الحجات دي ممكن تكون في العينين في الكلام في الحركات في الشكل جايز الحكاية بتاخد وقت و في الاخر ممكن تنمي الرادار بتاعك الموضوع ده مهم للمثليات و المثليين عشان ساعات في ناس بتحب تستهبل و بالذات في الرجال .
قريت بحث قال أن النساء بيكون لديهم ميول جنسية مثليه و ان الغالبيه من النساء سبق و احست بنوع من المتعه مع امراة اخري في في اي مرحلة عمرية و ان النساء لديهن احلام يقظه عن نساء اخريات ,مش عرفة البحث ده مفيد في ايه بصراحة , البحث بيتكلم بس عن الجنس و المتع الحسية و يمكن يغذي احلام اليقظة عند الرجال اللي بيحبو يشوفوا ستات مع بعض لكن بالنسبة لي مثلا ملوش اي لازمه و انا عمري ما حفكر في اي واحده كده غير لما يكون في بينا علاقة انسانية الاول داخل فيها الدماغ و القلب .
للاسف كتير بيعيشوا و يمواتوا من غير ما يكتشفوا نفسهم مش عرفة للاسف و لا من حظهم انهم لم يكتشفوا بس الاكيد انهم اتعذبوا و خبوا و قمعوا مشاعر و احاسيس كثيره و في منهم كانوا بيحملوا و يخلفوا و في كل مرة بتدخل السرير مع جوزها و بتحاول تحس بأي حاجه لكن كل مرة كان كابوس و عذاب و كدب و تمثيل
.

مرة تانية

ليس لي ذنب في تعليقات الاخرنن كل واحد يكتب ما بدا له بس نحترم بعض لوسمحتم ونتعلم ادب الحوار دون تطاول بشكر اصحاب التعليقات المحترمة وان اختلفوا معي وتوقفت عن الكتابة شوية لظروف خاصة ولاحساسي بالخوف شوية بس راجعة انشاء الله بالمنسبة الناس الي لسه مصممة اني عيانه انا مش عيانة والله وبعذركم لجهلكم قد اسرد هنا تفاصيل ذهابي لطبيبنفسي منذ فترة بعيدة مجبرة تحتتتهديد وضغط من ظنتهم يفهموني و يحبوني

قدري

كنت بدور في اوراقي القديمة اوراق كتبتها زماااااان و انا لسة في الاول
اول مرة حسيت .......حسيت ........؟غريبة هو أيه ده ؟ سألت و بعدين معرفتش اجاوب .... هو مش المفروض اني احب ده و محبش دي ؟ طب ازاي و ليه هو فيه حاجة غلط؟.....لا يا بنتي انتي اتهيألك ....حتعدي حتعدي ... و كل الأيام عدت و القصة مش بتعدي ...أتاريه قدري اللي كنت بجري منه و مش مصدقاه
كتبت احساسي و انا عندي 12 سنة ......بحبها طيب اعمل أية ......مكنتش بسيبها جنبها على طول ......و قبلها بسنه يعني و أنا عندي 11 سنة كانت بنت تانية بتكتب لي .... كانت جارتي و عزلت .... بس جوابات بقي .....جوابات ملتهبة بالنسبة لبنت سنها 11 سنة....... هو احنا بنحس بدري اوي كده ..ياه و من غباءنا بنقول لاء لاء ......كل اللي حسيت بية و انا طفلة على اعتاب المراهقة ......متغيرش .......
....واحشتيي اوي يا حبيبتي و انتي مش جنبي تصبحي على خير

إمراتي

لا احب الأغبياء و من هم الأغبياء فء نظري؟

أنهم من يعتقدون دائما و ابدا انهم صح و انهم على حق و كل من حولهم لا يفهمون او يخطأون و أن عليهم ارشادهم و توجيهم و انتشالهم من المصيبة اللي هم فيها و الكارثة ان هم اللي في مصيبة

حبي لها ليس مرضا أنا بحبها و بحب كل حاجة فيها و مش بأيدي أمنع ده

هل أشعر بالرضاء معها؟

أيوه اشعر جدا بالرضا في كثير من النواحي يعني حسيا و جنسيا و عقليا :حسيا هي أقرب من يكون لقلبي تفهمني من نظرة عيني و معها احكي كل ما في قلبي دون خجل او خوف معها بكون نفسي و أتجرد من كل شيء قد يغطيني , جنسيا هي بس من تعرف كيف و متي و اين و لديها مفاتيح جسدي ,عقليا حواراتنا تتشعب و تدخل في كل المجالات دين و فلسفة و سياسة بيننا حرية نعبر و نختلف و نتفق و نقتنع اولا نقتنع في حوارنا معا نحب أن نكون وحدنا ننسي العالم و أنفسنا و يمتد حديثنا لساعات فما اجمل الاحاديث بيننا.

منذ وقت ليس ببعيد كانت علاقتي بإمراتي حلم كانت افكار كانت خطيئة و اثم كنت في صراع كنت اتألم نعم كان حب مستحيل و لا يزال لأنه مرفوض غير مقبول بل تيس لديه تعريف لدي الكثيرين و لكنه كان حلمي كان الحقيقة الوحيدة التي أردتها اه لو تعلمون كم هو مؤلم ان يحبس أنسان كل مشاعرة و يبترها و يقهرها لإرضاء المجتمع و الناس حتى لا يكون في نظرهم اثم و عاصي و لن اتحدث عن نظرة الله لي لانه شيء لا يعرفة و لا يقدرة ألا هو سبحانه هو وحده من راي و عرف و يعرف ما عشته و اعيشة لازلت اؤمن برحمته و عدله .

حبها كان كالسهم نافذ لا يمكن ان أوقفه سلمت قلبي و عقلي و جسدي لها وحدها فهي من تستحقني و هي من تحيني و تهتم لأمري و تسعي لإرضائي و الوجود معي بأي طريقة اطول وقت ممكن هي من أبكي معها و أضحك هي من تعرفني و أعرفها و هي من يحاول أن يعرفني اكثر و اكثر هي و هي فقط من اريد

محتاجه لك

معرفناش نشوف بعض انهاردة و التليفون مينفعش في حالتي دي محتجالك انهاردة اوي اكتر من أي يوم خلاص زقهت بقى لحد امتى حفضل لوحدي و حنفضل كده حياتنا معلقة نفسي تاخديني في حضنك و تحطي ايدك في شعري و احكيلك و تخففي عني لحد ما انام عايزة اقولك حجات كتير أوى انا خايفة و عايزاكي تضميني و تطمنيني .

أجمل حاجة و اجمل أحساس بحس بيه لما بتاخديني في حضنك ساعتها بس بحس اني لي وجود و اني احيا و أتنفس و أعيش ,حبيبتي أنتي بس التي تستحقني و تستحق حبي و أنتي بس اللي اقدر احبها

حنغلب الظروف و حنكون مع بعض رغم انف كل الظروف حبيبتي تصبحي على خير

,

بتوحشيني

كل مرة بتوحشني لما بنكون لازم نفترق و كل مرة لازم نفترق و برجع انام في سريري وحيدة و هي كمان و كل مرة بنعيش على امل ان في مرة حتيجي حيكون مش لازم نفترق فيها ,
.
أحيانا بيكاد يصبني الجنون لاني مش عرفة ححلها إزاي أجبها من كل النواحي بوصل ديما لنفس النتيجة مفيش أطار شرعي لعلاقتنا و لا شكل إجتماعي باي حال من الأحوال و لما افكر و أقول طب جايز في يوم من الأيام يكون فيه أرجع و أقول مستحيل في مجتمعنا ده حاجة زي دي تحصل و لو بعد ميت سنه .
بتخيل كده ساعات أننا عايشين مع بعض في بيتنا أسرة صغيرة و عندنا بنت صغيرة . .
ديما في ألحاح من اسرتنا ان احنا نتجوز مش مستغربة لان ده عادي كل أسرة عايزة تشوف بنتها عروسة و طبعا مستحيل ان نرضخ و نسلم و نرمي نفسنا في التهلكة و ادينا بنتحجج باي حجة و ده غير من يحومون حولنا من الرجال اللي عايزين يتجوزوا و لا حتى يصحبوا دول بقى مشكلة كبيرة اوي و ديما بيعكروا حياتنا و يزودوا المشاكل اكتر ما هية موجودة , انا بحس بالإشمئزاز و القرف من محاولاتهم المستفزة و الزايدة عن الحد في بعض الاحيان ,نهيك عن اني بيجيلي حالة قرف طبيعي إذا اقترب مني اي رجل حتى لو واقفين في طابور يا ريت محدش يزعل بس ده اللي بيحصلي و مليش يد فيه , .
في ستات كتير في مجتمعنا أتجوزوا و هن مثليات و في منهن أستحملت عشان ولادها و أتعذبت و بتعذب كل يوم و في منهن عرفت تخرج من المشكلة دي بس اكيد فقدت شيء و خسرت.
كثيرا تبدأ قصة حب او أرتباط بين امراتين بصداقة يعني بيكون الأتنين صحاب عادي ثم تتحول الصداقة دي أو مش بتتحول هي بتطور لحب لأن الحب لازم يكون فيه صداقة , تفاهم و كل واحده بتخاق على التانية بتكون زي امها و اختها و اخر حاجة الجنس لانه وسيلة للتعبير عن الحب ليس ألا و هو مش هدف أبدا و أن كان مهم لانه غريزة

صالحت نفسي

منكرش أن صراعا قوي كان بيدور جوياه من يوم ما حسيت بإنجذابي نحو النساء دون الرجال و كنت بقول لنفسي لا مش صحيح دي اكيد فتره و حتعدي يعني تغير زي التغيرات و الأنقلابات بتاعت المراهقة بس كانت الأيام بتعدي و سنه ورا سنه خلصت المراهقة و مفيش حاجة أتغيرت في الأول أتصدمت و سألت ليه؟ ألف ليه و ليه كانت بتنخر في دماغي و مفيش إجابه حتى أني سألت ربنا ليه؟ عملت كل حاجه ممكنه عشان أوصل لحل مع نفسي كنت في الأول مصممة أغيرها و شايفة أن هو ده الحل الوحيد الموجود مفيش بديل عشان ربنا و الناس و عشان أعرف أعيش زي الباقيين و كنت بصراحة قاسية جدا مع نفسي و طبعا فشلت كانت دماغي جزمه و مكنتش فاهمه حاجه مش فهمه أن أنا كده و لازم أقبل نفسي و أحبها لأنها انا و حتى ربنا هو الوحيد اللي عارف و حاسس بيه و أن ربنا عدل و رحمه و مش بيحمل حد أكتر من طاقته الأخر اني إتصلحت مع نفسي و عرفت أد إيه أنا كنت وحشه معها . بعض الناس في مجتمعنا المصري بقولوا على العلاقات المثليه شذوذ و دي كلمه وحشه أوي و مش معبره و عيب كده ده إسمه جهل عشان كده يا حبيبي يا حلوين إسمها علاقات مثليه ماشي بالمناسبه في كلمة تانيه بيقولوها على المثليات هي "سحاقيات" عشات بتقصر العلاقع في فعل جنسي .

أحلى لحظة لما بنكون قاعدين مع بعض ولو في ألف صوت جنبنا مش بنكون حاسين بأي حاجة بنكون ناسيين أن في حد حولينا و بنقعد نتكلم نتكلم لا الكلام بيخلص و لا إحنا بنبطل كلام كلامنا بيكون في كل حاجه في الدنيا في الفلسفه الأدب الدين بنحب الكتب و بنقرا سوى ,الساعات بتعدي بسرعه و بنكون عايزين الساعه تقف و الوقت يدينا فرصه تانيه كل يوم بنكتشف في بعض حجات مشفنهاش ,بنرقص و نغني و ننكت و نضحك و نجري سوا و بنستمتع اوي لما نمشي في الشارع ماسكين إيد بعض بما إن ده عادي و اللي يضحك إننا لما بنمشي في الشارع بنتعاكس إحنا الإتنين .

يا ترى هل تقبلونني

يا ترى كيف ينظر الاخرون لإمراة مثليه؟ و ما ذا يدور في مخهم عنها ؟نساء و رجال بجد بجد نفسي أعرف الناس شايفاني إزاي و هل ممكن يتقبلوا و لا إيه .

يجب ان يعرف الأخرون ان كلنا كلنا بنا ما ندريه عن اعين الأخرون و لا نريد ان يعرفه احد و بالرغم من اني ساعات بكون نفسي أصرخ و أقول انا بحب مين لكن مش عايزه كل الناس تعرف تناقض هو مش كده لكن إحنا كلنا كده .انا هنا للحديث عن نفسي فانا أرى اني إنسان كويس أعني أني فعلا على مستوى كتير من الناس الحق يقال أني برقبتهم لست أفخم في نفسي لكن دي حقيقه بشهادة الكثيرون

نقطة اعرف انها تدور في عقل الكثيرون و هي أن إمراة مثليه هي بالدرجة الاولى عاهرة يعني تبحث عن الجنس أينما كانت و تبحث عن إقامات علاقات حب مع أي واحدة و كل واحدة و العملية عندها سيبة و هنا أنا بقول "وماله" كبيرة  أوي لأن  الموضوع ده ممكن تلاقيه عند أي راجل و أي ست بمعنى ممكن أي إنسان يكون عاهره (مع الإعتذار للعاهرات لانه عادي) فالموضوع ميفرقش الحكاية أني برتاح اكثر مع شخص معين و الشخص ده حدث انه إمرأة أظن مفهاش حاجه انا حره

يا ترى هل تتقبلون إمراة مثلية؟

حيوانات بس مش ده السبب

تعمل في الطب النفسي ما عشتش في مصركتير قابلتها مرة واحده كانت قعدة صحاب كانت بتحاول تعرف ليه ؟ليه أنا و غيري فضلنا النساء على الرجال سمعت مني و من التانيين حكايات كتيرة أوي و شافت بعنيها حاجات كتيرة و في الاخر كان ردها والله عندكو حق و أي ست في البلد دي لازم هي كمان تكون مثليه سلوك الرجال المصريين صعب أوي دول اكيد عيانين ---إيه ده أنا كل ما مشي في الشارع ألاقيهم لازقين فيه و كل واحد يديني كلمة مش بيسبوني في حالي أبدا ياه دول يخنقنوا و ما عندهمش دم و تلاقي الواحد جربان و معفن و يعاكس هو مش بيبص في المرايا ؟ و سمعت حكايات عن ستات كتير اوي أوي أزواجهم زي البهايم مبيحسوش و كل واحد في السرير يهموا انه يخلص و تتفلق اللي معاه دي انانية ملهاش حد و سمعت عن طبعا إزاي الواد له حريه أكثر في الأسرة و البنت كبسين على نفسها و ده عيب و ده غلط و ده حرام يعني مفيش أي مساواه ده غير الضرب و مد الإيد من الرجال المصريين كانت في النهاية الخلاصة ان الرجل المصري حيوان في كل حاجه و اناني و منفوخ على الفاضي وافقتها إلى حد كبير على النتيجه مفيش شك المصريين حيوانات في الشارع و البيتو الشغل و السرير بس قلتلها يمكن يكون ده سبب لبعض المثليات بس برضه مش لازم سبب أول مرة قابلتها كانت مكسوفة أوي كنت مصرة أبص في عيناها عيناها حلوة أوي كانت بتتحاشاني إبتسمت و ثبت نظري في عيناها اخيرا إستسلمت و بصتلي كان اللقاء سريع و قبل ان اتركها ترددت في السلام و بوستها ووشها إحمر بس عادي يعني محدش له عندنا حاجه حبيبتي وحشتيني أوي حفضل اقولها كل يوم لحد ما شوفك من غيرك الدنيا ضلمه ووحشه بحبك بحبك

مدرستي

أريد ان أكون حرة أريد ان أصرخ بحبها الذي ملاء قلبي أريد أن يعرف الجميع أنها حبيبتي انا محرومة من أن أفعل ذلك لأانني أعيش في مجتمع لا يفهم هذا ... بل هو يفهمه و لكنه ينكره يهمله لا يريده يمكن اكون محظوظه لاني هنا ممكن امشي جنبها و بدان متشابكتان و يمكنني أن أحتصنها و أقبلها دون قلق بس يمكن القلق يبان علي لاني حكون عرفه أني بعمل كده بمشاعر أخرى غير اللي الأخرين متوقعينها طيب و هي إيه المشاعر اللي بتيجي لاي إمراة عندما تقبل أو تحتضن أخرى في السلام مثلا عند اللقاء؟؟؟؟ سؤال محير مقدرش أرد عليه .

قرات مرة أن هناك فضول عند كل إمراة نحو الأخرى و بل قد تتولد مشاعر رغبه و أنجذاب بين النساء حتى لو مش مثليات الكلام كويس و معقول لأن النساء هن الأجمل بالطبع و لا يوجد اجمل منهن و الجمال لا يختلف عليه حد عشان كده ممكن أوي

لما كنت في المدرسه كانت أيام زي الفل كنت بستمتع جدا بقضاء وقتا خاليا تماما من أي مداخلة ذكورية كانت أوقات جميله و أتذكر في سن المراهقة لما كان فيه بنات تشعر بإنجذاب نحوي و تقرب مني تحاول تلمسني كنت بحس بحجات بس مكنتش فهمه إيه ده و لا هم فاهمين طبعا فاكرة كمان لما هي وجهت إهتمام خاص لي كانت مدرستي في الفصل و كانت دائما تأتي عند تختتي أنا فقط لتسالني عمله إيه؟ و تطمئن علي كل يوم و تحدثني حتى خارج الفصل و تطبطب علي كنت مستغربه سلوكها معايا و أحيانا كنت بحس بالحرج من نظرات الأخريات كانت إسمها ليندا كانت من أصول غير مصرية بس أنا كنت بكون مكسوفة أوي و كنت بكلمها بكل إحترام و كنت حطة سد بينا ,أصل هي مدرستي و أنا طالبه عندها .. دلوقتي بقول لنفسي أنا كنت غبيه والله غبيه إزاي مفهمتش مع اني حسيت بس إحنا ديما كده نحس و نحس و بعدين نفهم متاخر بعد فوات الأوان.

حبيبتي وحشتيني أريد أن نجتمع و نظل معا اكثر و اكثر و أن يمنحنا الزمن زمن فوق الزمن حتى لا تنتهي لحظتنا معا و تظل للأبد

و انا معديه

كنت معدية و سمعته بيتكلم على قوم لوط وقفت اتفرج بالنسبة لي عمرو خالد داعية عادي بالنسبة لي ليس لديه جديد بل على العكس اخطاؤه كثيرة لانه ساعات كتير بيجتهد و يحاول يبان مختلف بقصد ولا مش قصد دي مش قضيتنا المهم كان بيحكي القصة و في وسط الحكاية قال جمله "خرمت وداني" قال أن قوم لوط كانوا ياتون الرجال دون النساء و عشان هم كده نساءهم كمان أصبحت كده !!!! و هنا فإن الداعية العبقري إجتهد فاخطأ لانه ببساطة عايز يقول ان المرأة لو لم تجد الرجل فهي تتحول لمثلية و ده طبعا غلط لانه مش سبب و ليه أصلا لازم يكون فيه سبب , تفسير ساذج أوي و بعيد عن الواقع و بينكر ان يكون للمراة إستقلال او إحساس و رغبه و بيربطه بالرجل و ده برضه ظلم.
قصة قوم لوط دي قصة مجرد قصه لا تعني شيئا محددا ثم أنهم كانوا بيعملوا كل حاجة و كانت المشكلة الأساسية عندهم هي الحياة الجنسية اللي كانت مفتوحه على البحري كانت مشكلتهم الإنفلات و الإسراف في الجنس اللي خلاهم يعملوا كل حاجة
ليه بقى خلط الاوراق و اللخبطة دي لماذا لا يستطيع الدعاه و المجتمع و الناس أن بفهموا أن فيه حاجه إسمها الحب و أن الحب ده حاجة كده ممكن تحصل بين أي إتنين و ان الموضوع ده ملوش علاقة بالنوع و لا اللون و لا الدين ولا الإعتبارات الكثيره أو دي اللي بتخنقني .
أفتقد امراتي إذا أبتعدت عني لأي سبب انتظر ان تأتي ان تأخذني ان أنظر في عينيها ,أشعر معها بالامان أشعر أنني مع قطعة مني معها أضحك من قلبي و أبكي من قلبي أكون"أنا" بكل ما تعني الكلمة من معنى