Monday, September 20, 2010

ماركسية


من اول القاعدة مبطلتش كلام عن كارل ماركس و حتى في البداية عرفت نفسها بانها ماركسية
قلت في عقل بالي ده حبوب ولا كبسول ولا نوع توي جديده يمكن و بعد بضع ساعات فهمت و عرفت الاخ ماركس
الغريب انه ماكنش وقته خالص نتكلم في ماركس لكنها كانت مستمرة و كانها تستمد شي لذيذا من الحديث عنة و انتقلت بي من الماركسية الي خطورة الراسمالية و تاثيرها على الحركات النسوية و ان هي بلا شك السبب في تراجع الحركات النسوية و تخربها و محاربتهاز..... يا خرابي هو احنا حنقعد طول الليل كده ابتديت تقلع و هي بتتكلم عن الحركات الدينية الراديكالية و تاثيرها اللي ميختلفش عن تاثير الراسمالية لان الاتنين بيدعموا النظام الذكوري و سيطرة الرجل ...اه بقى هي الحكاية كده ….سرحت في كلامها و خدت بعضي و نزلت قعدت على الارض و استربعت و قولتلها بصي بقي انتي تعمللنا اتنين شاي و نقعد نكمل السهرة مستربعين على الارض و تحكي لي بقى حكايات الرقص مالية قصدي الرأسمالية دي
بصين لي باستغراب و كان انا السبب في اللي بيحصل و كاني يعني المفروض مع الكلام اللي هي بتحكية ده اعمل حاجة تانية غير اني اطلب اتنين شاي و اقعد مستربعة على الارض
ابتسمت و قلت لها بجد كده حيكون احسن
توجهت هي للمطبخ و رجعت ببراد ماية سخنة كبير و شاي كتير و بعدين قعدت تحكيلي عن حركة التحرر النسائية و تاريخها و بدايتها و كانوا بيعملوا اية النسوان الحلويين دول في الستينات اللي لولاهم ما كنتش النسوان دلوقتي خدت حقها ….كنت بهز راسي بس كنت مبسوطة من الحكايات التي تخللت ايضا حكايات عن التحرر الجنسي اللي كان مصاحب للحركات النسوية ...لان تحرر المراة لازم يكون بتحرر جسدها و حقها انها تقرر تعمل بيه اية و متعملش اية و على الفجر كده ابتدينا نتكلم في السكس
ياههه ده انتي بطيئة اوي" قولتها و انا ابتديت ادوخ من التعب "ممكن تعمليلينا حاجة نكلها؟"
باصيت لي تاني باستغراب و بعدين راحت على المطبخ و عملت مكرونا تحفة بجد تحفة
كانت الساعة بقيت 6 و نص الصبح و قلت لها انا لازم انزل بقى
اخدتها في حضني جامد اوي و اديتها بوسة لكنها حلفت توصلني …..نزلت معايا ووصلتني و باستني و قالت لي حشوفك تاني رديت عليها اكيد و طلعت اجري على فوق .