Sunday, September 21, 2008

انواع ما تنساهاش

في أنواع كده من الستات لما بنشوفها من بعيد بتشد إنتباهنا
كنت في إحدى الكافيهات و كانت تجلس على الطاولة المقابلة شعرها بني يميل إلى الدهبي و قد تدلت خصلات شعر على جبهتها "فرنش" يعني باللغة الإفرنجية عمرها ربما في أواخر الثلاثينات وجهها مصبوغ بالمساحيق و عينها مرسومة بالكحل بس كان كتير و قد وضعت أحمر شفاه احمر أحمر يعني و شفاها كانت منفوخة شوية ....كانت لبسة جينز ماسك اوي و بادي ماسك برضة و حول رقبتها حاجة دهب كبيرة ممكن نسميها كردان و في أصابعها خواتم من الذهب اكتر من واحد و في ذراعيها غوايش غوايش كانت تتحدث مع إمرأة اخرى امامها ترتدي الحجاب و حاجة سودا مش باين منها أي حاجة
كانت تلك السيدة ذات الغوايش تتحدث بكل ما فيها و قد إنسجمت و رايتها تتحدث بيديها تارة تضعها على صدرها و تارة تشير بها إشارات لتوضيح حديثها
كانت أيضا تتحدث بحاجبيها و شفايفها تتحرك يمينا و شمالا كانت كأنها ترقص لا تتكلم و كان صوتها مجلجل طبعا بتتكلم زينا بالعامية المصرية بس باللكنة الشعبية
"ختي بالك" كنت أتابعها طول الوقت و لم اكن الوحيدة التي تتابعها كان وجودها غريب شوية في مثل تلك الكافيهات الراقية على حد إعتقادي
لم يكن وجهها غريب علي كنت أشعر أني قابلتها مت قبل أو رأيتها في مكان ما .....قعدت اعصر في دماغي جامد أصل مش معقول كانت دفعتي في المدرسة مثلا و لا حتى الجامعة أنا أصغر منها بسبع تمن سنين على الأقل ...و لا تكون من جيراني و لا كنا صحاب قبل كده
و بعد تفعيص لمخي تذكرت انها الراقصة التي أحييت فرح إحدى أعز أصدقائي منذ ثلاث سنوات كانت صورتها قد إنطبعت في دماغي فمثل تلك الكاركترات لا يمكن أن تنساها حتىى لو بعد زمن
خاصة و أن رقصها كان جميل جدا و ممتع يعجبني أوي الرقص بتاعنا و أحس أن إمرأة قد تتحدث إلينا بحركات جسدها
أحب الراقصات إلي نجوى فؤاد أما انا فلست ضليعة في الرقص للاسف

6 comments:

كتابة said...

بشوفها أنماط بشرية أكتر من أنواع
وواضح أنها راقصة
في كل الأماكن و بإيقاعات مختلفة
ومتصالحة مع نفسها و شايفة نفسها ماتقلش عن حد و دي حاجة
هايلة فيها..
وإن كان البعض ببالغ في إنه يقول للناس "أنا هو و اللي مش عاجبه يضرب راسه بالحيط"
لكنها أيضا سلوكياته المتجذرة فيه
..
أنا بصراحة اللي معاها لفتت انتباهي.
كمان..
و بتسائل وجه العلاقة بينهم إيه؟
بيحكوا عن فرح شافوه..و بيتفقوا على فرح؟
ومين اللي إختارت الكافية أصلا..؟
و هي مشهورة..و لا لا؟
وكانت بذات القصة اللي من 3 سنين و اللون؟
أسئلة كتير أخدتني..بس
معلش..بهلوس بالليل:)

Anonymous said...

Well,i'am glad someone believes"bellydancing"is art.Instead of seeing it as only a method for the pleasure of men.

مصرية جدعة said...

صباح الخير على فكره عجبنى جرأتك فى الكلام وكنت قريت المدونه بتاعتك من كام شهر مش عارفه افتكرتك وجيتى على بالى دلواتى انا ما كنتش مسجله هنا فى المدونه بس سجلت النهارده عشان اكتبلك كومينت ومن فضلك كنت عايزه اتكلم معاكي واسألك كام سؤال ده لو سمحتى

Anonymous said...

اسم المدونة هو الذى جعلنى اتصفح كلماتك
وابحر فى افكارك
واتجول بين سطورك
فأتمنى التواصل
ياسر صحفى بالكويت
fnar555@yahoo
www.ypress.blogspot.com

emraamethlya said...

عندي إيميل في البروفيل بتاعي إكتبي لي اللي إنتي عايزاة على الإيميل

Ahmed Ashraf said...
This comment has been removed by a blog administrator.